Baitadi Online Post

बैतडी — बैतडी जिल्लामा एक किशोरीमाथि जबरजस्तीकरणी गरेको आरोपमा एक युवकलाई प्रहरीले नियन्त्रणमा लिएको छ। जिल्लाको पाटन नगरपालिका–६ भडालीका १९ वर्षीय रोहित लुहारले सोही उमेरकी किशोरीमाथि जबरजस्तीकरणी गरेको अभियोगमा आइतबार पक्राउ गरिएको हो । पीडित किशोरीले आफूलाई जबरजस्तीकरणी गरेको भन्दै इलाका प्रहरी कार्यालय पाटनमा उजुरी दर्ता गरेकी थिइन्। उजुरीका आधारमा लुहारलाई पक्राउ गरिएको प्रहरीले जनाएको छ। हाल पक्राउ परेका लुहारमाथि जिल्ला अदालतबाट आठ दिनको म्याद थप गरी थप अनुसन्धान कार्य भइरहेको प्रहरीले जनाएको छ।

बैतडी, दशरथचन्द नगरपालिका–५ सुन्दरघरमा निर्माणाधीन स्वास्थ्य चौकी भवन विगत ६ वर्षदेखि अधुरो अवस्थामा छ। वडामा आधारभूत स्वास्थ्य सेवा विस्तार गर्ने उद्देश्यले सुरु गरिएको भवन निर्माण कार्य घूससम्बन्धी विवाद, प्राविधिक दबाब र ठेक्का प्रक्रिया सम्बन्धी लापरबाहीका कारण रोकिएको ठेकेदार कम्पनीले दाबी गरेको छ। २०७५/७६ आर्थिक वर्षमा संघीय सरकारले ८० लाख रुपैयाँ बजेट विनियोजन गरी निर्माण सुरु भएको सो भवनको हालसम्म छत ढलान समेत हुन सकेको छैन। निर्माण कम्पनी बिग बी एण्ड कम्पनी (प्रा.लि.) का सञ्चालक विकास चन्दका अनुसार नगरपालिकाका प्राविधिक र प्रशासनिक पक्षबीच घूस र रकमको विवादका कारण निर्माण कार्य स्थगित भएको हो। > “हामीले गुणस्तरीय भवन निर्माण गर्ने प्रयास गर्दा पनि कार्यालयका केही प्राविधिकहरूले विभिन्न बहानामा तोकिएको रकम बुझाउन दबाब दिएका थिए,” चन्दले नगरपालिकालाई पठाएको पत्रमा उल्लेख छ। “डर, त्रास र धम्कीपूर्ण व्यवहारका कारण काम अवरुद्ध भएको छ,” पत्रमा भनिएको छ। --- ८० लाख बजेटमध्ये आधा रकम फ्रिज भवन निर्माणका लागि संघीय सरकारले पठाएको ८० लाख रुपैयाँमध्ये ४० लाख रु...