Baitadi Online Post

बैतडी – बैतडीको सुर्नया गाउँपालिका–७ भञ्ज्याङमा विद्युतीय सवारी (इभी) दुर्घटना हुँदा १० जना घाइते भएका छन्। बैतडीको सुर्नया–७ भञ्ज्याङमा धनगढीबाट पुर्चौंडी हाटतर्फ जाँदै गरेको इभी दुर्घटना हुँदा १० जना घाइते भएका छन्। १९ यात्रुमध्ये ८ जना सकुशल छन् भने घाइतेलाई डडेल्धुरा अस्पताल लगिएको प्रहरीले जनाएको छ। दुर्घटनापछि चालक फरार रहेको र घटनाबारे अनुसन्धान भइरहेको जिल्ला प्रहरी कार्यालय बैतडीले जनाएको छ। धनगढीबाट पुर्चौंडी हाटतर्फ गइरहेको सुदूरपश्चिम प्रदेश ०२–००१ ज ०६२० नम्बरको इभी शनिबार दिउँसो करिब २:३० बजेतिर जयपृथ्वी राजमार्ग अन्तर्गत भञ्ज्याङमा दुर्घटनाग्रस्त भएको जिल्ला प्रहरी कार्यालय बैतडीले जनाएको छ। सवारीमा चालकसहित १९ जना सवार रहेका मध्ये ८ जना सकुशल रहेका छन् भने १० जना घाइते भएका छन्। घाइते हुनेमा पुर्चौंडी नगरपालिका–५ का १५ वर्षीय भुवन साउँद, २८ वर्षीया यशोदा साउँद, ५ वर्षीय कोबित पन्त, २८ वर्षीया पवित्रा पन्त, १९ वर्षीय नरेश बोहरा, २८ वर्षीया वसन्ती अवस्थी र १७ वर्षीय विकास साउँद रहेका छन्। त्यस्तै पुर्चौंडी नगरपालिका–४ की १९ वर्षीया कमला धानुक, सोही ठाउँका २२ व...

निंगलासैनी मन्दिर सुदूरपश्चिम नेपालको प्रसिद्ध मन्दिरमध्ये एक हो। यो बैतडी जिल्लाको दशरथचन्द नगरपालिका २ देहिमाण्डौंमा अवस्थित छ। मन्दिर जिल्ला सदरमुकाम भन्दा करिब १२ किलोमिटर अगाडी नै रहेको छ । देहिमाण्डौंको भगवतीलाई निंगलासैनी भगवती मन्दिरको नामले पनि चिनिन्छ। यसका साथै मेलौली भगवती, कपलाशैनी, रणशैनी आदि मन्दिरहरू पनी निकै चर्चित रहेका छन । यो सुदूरपश्चिमको एक प्रमुख धार्मिक र पर्यटकीय गन्तव्य हो। हिन्दु धर्मावलम्बीहरूको आस्थाको केन्द्र मानिने यस मन्दिरमा प्रत्येक वर्ष बडा दशैं, चैते दशैं, अनन्त चतुर्दशी, पूर्णिमा र धान्य पूर्णिमाको अवसरमा ठूलो मेला लाग्ने गर्छ। अठसठ्ठी कि जात १४ गते.  घटस्थापनादेखि बडा दशैको दिनसम्म यो सञ्चालन भ‌एपनी मुख्य मेला महाअष्टमी को मानिन्छ। अठसठ्ठी जाँतका नामले प्रख्यात यस जाँतमा अष्टमीका दिन कम्तीमा ६८ प्राणीको बलि दिनुपर्ने परम्परा छ । सङ्ख्या नपुग्ने अवस्थामा नरिवल र कुभिण्डोका बलि दिइन्छ । अचेल महाष्टमीका दिन माताको मन्दिरमा हजारौं बोकाहरू र ३/४ सय राँगाहरूको बलि गरिन्छ । टाढाटाढाबाट ल्याएका बोका तथा राँगाहरू कारणबस सो दिन बलि सुरु हुनु ...

नेपाल बहुभाषिक, बहुसांस्कृतिक र धार्मिक विविधताले भरिएको राष्ट्र हो। यस विविधताबीच पनि दशैं सबै नेपालीको साझा र ठूलो चाडका रूपमा मनाइन्छ। दशैंलाई "विजयादशमी" पनि भनिन्छ। यस पर्वको मूल सन्देश भनेको असत्यमाथि सत्यको विजय, अन्यायमाथि न्यायको विजय, अधर्ममाथि धर्मको विजय हो। १. धार्मिक तथा ऐतिहासिक महत्त्व दशैंको मूल जड हिन्दू धर्मसँग सम्बन्धित छ। पुराण अनुसार महिषासुर नामक असुरले देवता र मानवलाई दुःख दिन थालेपछि सबै देवताहरूको शक्तिबाट देवी दुर्गा उत्पन्न भइन्। दुर्गाले नौ दिनसम्म युद्ध गरेर दशौँ दिन महिषासुरलाई वध गरिन्। यही दिनलाई असत्यमाथि सत्यको विजयको प्रतीक मान्दै दशमीका दिन विजयादशमीको रूपमा मनाइन्छ। पर्वका प्रमुख दिनहरू घटस्थापना : घर–घरमा घट राखेर जमरा रोपिन्छ। नवरात्र : नौ दिनसम्म देवी दुर्गाका विभिन्न रूपहरूको पूजा हुन्छ। फूलपाती : सप्तमीका दिन विशेष विधिमा फूलपाती ल्याउने प्रचलन छ। महाअष्टमी : दुर्गा माताको विशेष पूजा, पशुबली दिने चलन अझै कतै कायम। महानवमी : शस्त्रपूजा र दुर्गा भवानीको आराधना। विजयादशमी : घरका जेष्ठले कनिष्ठलाई टिका, जमरा लगाइदिन्छन् र आशी...