बैतडीको दोगडाकेदारमा ईभी हाइस दुर्घटना
शनिवार बैतडी, बैतडीमा ईभी हाइस दुर्घटना भएको छ। जिल्लाको दोगडाकेदार गाउँपालिका–३ अन्तर्गत सिल्लेगडा–बडिया सडकखण्डको घोडधार नजिक शनिबार राति करिब साढे ९ बजे सुप प्र ०२–००१ ज ०६२४ नम्बरको हाइस दुर्घटनामा परेको हो। दुर्घटनामा हाइसका चालक दोगडाकेदार गाउँपालिका–५ निवासी मदन ठगुन्ना घाइते भएका छन्। घाइते ठगुन्नाको अवस्था मध्यम रहेको र उपचारका लागि जिल्ला अस्पताल पठाइएको खोचलेक प्रहरी चौकीका इन्चार्ज जयाराज जोशीले जानकारी दिएका छन्। हाइसमा चालक मात्र सवार रहेको बताइएको छ। दुर्घटनाग्रस्त हाइस सडकबाट करिब २५० मिटर तल खसेको प्रहरीले जनाएको छ। घटनाको विषयमा थप अनुसन्धान भइरहेको छ । स्रोत: कुसलखवर