देवलहाटको सहस्त्रलिङ्ग मन्दिरमा ११५ केजीको घन्टी चढाउने अभियान सुरु

बैतडी, नेपाल – दशरथचन्द नगरपालिका–४, देवलहाटस्थित दुर्लभ सहस्त्रलिङ्ग मन्दिरमा पहिलोपटक ११५ केजी तौलको ठूलो घन्टी चढाउने अभियान आरम्भ भएको छ। धार्मिक, सांस्कृतिक तथा ऐतिहासिक दृष्टिले अमूल्य मानिएको यस मन्दिरलाई राष्ट्रिय मात्र होइन, अन्तर्राष्ट्रिय स्तरसम्म चिनाउन अभियानले महत्वपूर्ण योगदान गर्ने अपेक्षा गरिएको छ।

धार्मिक आस्था र परम्परा

साउन महिनाको अन्तिम सोमबार यहाँ नेपाल पञ्चाङ्ग निर्णायक समितिमा दर्ता गरिएको रुद्री अभिषेक पूजा र आजापाठ मेलामा प्रत्येक वर्ष हजारौँ भक्तजन पूजाआजा गर्न आउने परम्परा रहेको छ। हरिद्वार पुग्न नसक्ने भक्तजनका लागि यहाँको शिव कुण्डलाई पवित्र स्नानस्थल मानिन्छ, जहाँ स्नान गर्दा पुण्य प्राप्त हुने विश्वास रहिआएको छ। साथै, मन्दिर परिसरमा रहेको करिब ५०० वर्ष पुरानो पीपलको रुख धार्मिक ध्यान, आस्था र विश्रामको प्रतीकका रूपमा स्थापित छ।

धार्मिक पर्यटनलाई प्रोत्साहन

हाल सहज सडक पहुँच उपलब्ध भएकाले सहस्त्रलिङ्ग मन्दिरसम्म पुग्न सजिलो भएको छ। यसले धार्मिक पर्यटनमा थप वृद्धि हुने अपेक्षा गरिएको छ।

सहभागिताका उपाय

अभियानलाई सफल बनाउन भक्तजन र शुभेच्छुकले विभिन्न माध्यमबाट सहभागी हुन सक्ने व्यवस्था गरिएको छः

1. सुझाव, सल्लाह र प्रचार–प्रसार।

2. आर्थिक तथा भौतिक सहयोग।

3. सम्पूर्ण शिवभक्तलाई पुण्य अभियानमा सहभागी हुन आग्रह।

पूजा परम्परा र गुरुहरूको भूमिका

रुद्री अभिषेक पूजा: कुल गुरु दुर्गादत्त भट्ट

सहस्त्रलिङ्ग पूजा: कमलदेव भट्ट तथा भण्डेर मार्कण्ड परिवारका सदस्य

अक्षय कोषको स्थापना

सहस्त्रलिङ्ग मन्दिरसँगै नेपालकै दुर्लभ अक्षय कोष स्थापना गर्ने तयारी भइरहेको छ। यसले धार्मिक, सांस्कृतिक र ऐतिहासिक सम्पदाको संरक्षणसँगै मन्दिरको अन्तर्राष्ट्रिय प्रचार–प्रसारमा टेवा दिने अपेक्षा गरिएको छ।

सहयोगका लागि विवरण

बैंक: कृषि विकास बैंक लिमिटेड, साहिलेक बैतडी

खाता नं.: 08238056333380

सम्पर्क: उद्धव सिंह मार्कण्ड – 9863680660