अखण्ड सुदुरपश्चिमका कमाण्डर लख्खाभाईको कथा : नाराले जितेर पनि हारे लख्खाभाई

असार २०,बैतडी, click n read more...

कतिपय ठाउँका निर्वाचन पार्टीका कारणभन्दा एक व्यक्तिका कारण निकै चर्चामा रहने गर्छन् । स्थानीय तहको दोस्रो चरणको निर्वाचनमा सूदुरपश्चिमको वैतडीको दशरथ चन्द नगरपालिका यस्तै चर्चामा थियो । दशरथ चन्द नगरपालिकाको निर्वाचन पुष्करराज जोशी अर्थात् ‘लख्खाभाइ’का कारण राष्ट्रिय चर्चाको चुलीमा थियो ।  निर्वाचनको सुरुवाती दिनमा काँग्रेसमय थियो, दशरथ चन्द नगरपालिका । काँग्रेसको गढ मानिएको यो नगरपालिकामा माओवादीलाई प्रतिश्पर्धीको रुपमा हेरिएको थियो । तर, जब राप्रपाको तर्फबाट लख्खाभाइ मैदान उत्रिए तब चशरथ चन्दको चुनावी आँकलन नयाँ धारबाट हुन थाल्यो । लख्खाभाइले ‘चुनावी पासा’ पल्टाइदिने आँकलन धेरैले गरे ।  मतदाताको मत खसिसकेर मतगणना सुरु भएपछि मतपरिणाम लख्खाभाईकै पोल्टामा पर्न थाल्यो । काँग्रेसका नरेन्द्रसिंह थापालाई लख्खाभाइले पछाडी पार्दै गए । तर, लख्खाभाईको यो दबदबा लामो समय टिक्न सकेन । अन्ततः  काँग्रेसका नरेन्द्रसिंह थापा नै दशरथ चन्दका मेयर बन्न सफल भए । त्यसो त लख्खाभाइलाई प्राप्त मत थापाको तुलनामा कमजोर देखिएन । थापाले ३७६२ मत ल्याउँदा लख्खाभाइले ३७०० ल्याए । काँग्रेसको गढमा उनको यो मतलाई शानदार हारकै रुपमा हेर्नुपर्छ । दशरथ चन्दमा लख्खाभाइले राप्रपा पार्टीको रुपमा यत्रो मत ल्याएका होइनन् । राप्रपाको नामोनिसान नभएको यो नगरमा उनले व्यक्तिगत ‘पपुलारिटी’कै कारण जनमत लिएका हुन् ।

  को हुन लख्खाभाइ ?

 पहिलो संविधानसभाले संविधान जारी गर्ने कसरत गर्दैगर्दा सुदूरपश्चिमलाई दुईवटा प्रदेशमा बाँड्नुपर्ने झलफलमा ठूला दलहरु थिए । तर, त्यति नै बेला सूदुरपश्चिममा लख्खाभाई उदाए, अखण्ड सुदूरपश्चिमको नारा लिएर । उनको अखण्ड सुदूरपश्चिम अभियान संविधानसभा भवन बाहिरसम्म चर्कियो । एकाएक उनी सूदुरपश्चिमका नागरिकको आँखामा परे । चर्चित बने लख्खाभाइ । उनी अखण्ड सुदूरपश्चिम आन्दोलनका कमाण्डरमात्रै होइन, बिजारोपणकर्ता पनि हुन् । सुदूरपश्चिममा चर्चा चल्छ, लख्खाभाइकै कारण सुदूरपश्चिम अखण्ड रह्यो । लख्खाभाई राप्रपामा प्रवेश गरेको धेरै भएको छैन । सुरुमा सुदूरपश्चिम जागरण मञ्चको नाममा जातीय राज्यका विरुद्ध अखण्ड सुदूरपश्चिमको आन्दोलन थालेका लख्खाभाइले दोस्रो संविधानसभाको निर्वाचनमा अखण्ड सुदूरपश्चिम पार्टी नेपाल दर्ता गरे चुनाव नै लडे । पहिलो र दोस्रो संविधानसभामा वैतडी क्षेत्र नम्बर २ बाट चुनाव लडेका उनले दुवै निर्वाचनमा नजितेपनि सन्तोषजनक मत प्राप्त गरे ।  पछिल्लो समय तत्कालीन राप्रपा नेपाल र अखण्ड सुदूरपश्चिम पार्टी एकीकरण भएपछि उनी तत्कालीन राप्रपा नेपालका सुदूरपश्चिम सह–संयोजक बनेका थिए । गत मंसिरमा दुवै राप्रपा एक भएपछि माघ १० गते बसेको उच्च कार्य सम्पादन समितिले लख्खाभाइलाई ७ नम्बर प्रदेशको संयोजक नियुक्त गरियो । दोस्रो चरणको स्थानीय निर्वाचनमा उनलाई राप्रपाकै तर्फबाट दशरथ चन्द नगरपालिकाको मेयर पदमा उम्मेद्वार बन्ने अवसर मिलेको हो । तर, उनले काँग्रेसको दबदबा तोड्न सकेनन्, उल्लेख्य मत ल्याएर ठूला पार्टीको मन भने हल्लाइदिए । काँग्रेससँग जम्मा ६२ मतले हारे लख्खाभाइ ।  उनको विगत कुमाउ विश्वविद्यालयसम्म खोज्न सकिन्छ । उनी कुमाउ विश्वविद्यालय नैनीताल (भारत)मा छात्र संघका अध्यक्ष समेत रहिसकेका छन् । उनी उक्त विश्वविद्यालयमा छात्र संघको अध्यक्ष हुने पहिलो नेपाली समेत हुन् । सुदूरपश्चिममा जहिल्यै चर्चामा रहेका र जनताको ताली पाएका लख्खाभाई चुनावमा भने जहिल्यै हारिरहेका छन् ।

कृपया सेयर कमेन्ट गर्नुहोला......
Follow on Facebook click harehare
Follow on Twitter click hare
Sunit Bhatt, Baitadi